புதுடில்லி : புகையிலை பொருட்களின் உறையின் மீது, வரும் டிசம்பரில் இருந்து புதிய எச்சரிக்கை படங்கள் அச்சிடப்படவுள்ளன. இது மிகவும் தாமதமான நடவடிக்கை என, தன்னார்வ தொண்டு நிறுவனங்கள் புகார் தெரிவித்துள்ளன.
சிகரெட், பீடி உள்ளிட்ட புகையிலை பொருட்களை பயன்படுத்துவதால் ஏற்படும் உடல் நலக்கேடு குறித்து எச்சரிக்கும் வகையில், அவற்றின் உறையின் மீது எச்சரிக்கை படங்கள் அச்சிடும் நடவடிக்கையை மத்திய சுகாதார அமைச்சகம் ஏற்கனவே கொண்டு வந்துள்ளது. இந்த எச்சரிக்கை படங்கள், ஒவ்வொரு ஆண்டும் சுழற்சி முறையில் மாற்றப்படும். இந்திய தன்னார்வ சுகாதார கழகத்தின் உறுப்பினர்கள் ஆய்வு நடத்தி, அதன் அடிப்படையில் உறையின் மீது அச்சிடப்பட வேண்டிய படங்கள் தேர்வு செய்யப்படும். இதன்படி வரும் ஜூன் மாதம் முதல், தற்போது அச்சிடப்பட்டுள்ள படத்துக்கு பதிலாக, புதிய படம் அச்சிடப்பட வேண்டும். புகையிலை பொருட்கள் பயன்படுத்துவதால் வாய் புற்று நோய் ஏற்படும் அபாயத்தை வலியுறுத்தும் வகையிலான படத்தை அச்சிடுவதற்கு முடிவு செய்யப்பட்டுள்ளது. ஆனால், இந்த நடவடிக்கை தாமதமாகியுள்ளது. இதுகுறித்து விசாரித்தபோது, ஜூன் மாதத்துக்கு பதிலாக, வரும் டிசம்பர் 1ம் தேதியில் இருந்து புதிய படம் அச்சிடப்பட்ட புகையிலை பொருட்களின் உறைகள் விற்பனைக்கு வரும் என, தெரியவந்துள்ளது.
இதுகுறித்து, இந்திய தன்னார்வ சுகாதார கழகத்தினர் கூறுகையில், "புகையிலை பொருள் தயாரிப்பு நிறுவனங்கள் அரசுக்கு ஏற்படுத்தும் நெருக்கடி காரணமாகவே, இந்த கால தாமதம் ஏற்பட்டுள்ளது. புகையிலை பொருட்களின் உறைகளில் தற்போது அச்சிடப்பட்டுள்ள படம், அதை பயன்படுத்துவோரிடையே பெரிய அளவில் தாக்கத்தை ஏற்படுத்தவில்லை' என்றனர். புகையிலை பொருள் தயாரிப்பு நிறுவனங்களின் தரப்பில் கூறுகையில், "உறைகளின் மீது புதிதாக அச்சிட பரிந்துரை செய்யப்பட்டுள்ள படம், மிகவும் கொடூரமாக உள்ளது. இதனால், விற்பனை பாதிக்கப்படும். மேலும், இதற்கான உத்தரவு எங்களுக்கு மார்ச் மாதம் தான் வந்தது. புதிய படத்தை அச்சிடுவதற்கு போதிய அவகாசம் தேவைப்படுகிறது' என்றன
கருத்துகள் இல்லை:
கருத்துரையிடுக